Kushtet e qirasë

Shoferi

Mosha minimale 21 vjeç dhe patentë e vlefshme prej të paktën 2 vitesh. Disa kategori (p.sh. premium, furgonë) kërkojnë moshë më të madhe – shihet te kategoria.

Shoferët nën 25 vjeç paguajnë tarifën e shoferit të ri: €8 në ditë.

Në marrje kërkohen: patenta, pasaporta ose karta e identitetit dhe një kartë krediti në emër të shoferit kryesor. Patentat jashtë BE-së mund të kërkojnë Leje Ndërkombëtare Drejtimi.

Makinën mund ta drejtojnë vetëm shoferët e shënuar në kontratë. Shofer shtesë mund të shtohet me pagesë.

Depozita e sigurisë

Në marrje bllokojmë në kartën tuaj një depozitë sigurie (para-autorizim) me POS. Shuma varet nga kategoria dhe shfaqet gjatë rezervimit. Paratë nuk tërhiqen, vetëm bllokohen.

Pas kthimit, depozita lirohet plotësisht ose mbahet vetëm pjesa për karburant, dëmtime, gjoba ose tarifa sipas kontratës. Koha që shuma të shfaqet e lirë varet nga banka juaj.

Karburanti

Makina jepet dhe duhet kthyer me të njëjtin nivel karburanti.

Karburanti që mungon tarifohet €10 për çdo 1/8 e serbatorit.

Kthimi me vonesë

Tolerancë 59 minuta. Pas saj tarifohen €10 për orë, dhe pas 3 orësh tarifohet një ditë e plotë qiraje.

Nëse vononi, na njoftoni sa më shpejt.

Udhëtimi jashtë Shqipërisë

Lejohet vetëm me miratim me shkrim, i kërkuar gjatë rezervimit. Vendet që pranojmë zakonisht: Kosovo, Montenegro, North Macedonia. Vendimi varet nga kategoria e makinës dhe destinacioni.

Tarifa: €50 për qira. Për vendet e sistemit Kartonit të Gjelbër (Green Card) jepet dokumenti përkatës. Kosova nuk mbulohet nga Kartoni i Gjelbër: aty blihet sigurimi kufitar në hyrje.

Kalimi i kufirit pa miratim e bën të pavlefshëm çdo sigurim dhe klienti përgjigjet për të gjitha dëmet.

Sigurimi dhe dëmtimet

Makinat kanë sigurimin e detyrueshëm. Mbulime shtesë ofrohen gjatë rezervimit.

Gjendja e makinës regjistrohet me foto dhe hartë dëmtimesh në marrje dhe në kthim. Dëmtimet e reja tarifohen sipas kontratës dhe mbulimit të zgjedhur.

Në rast aksidenti, njoftoni menjëherë Policinë dhe ne. Pa procesverbal policie, sigurimi mund të mos paguajë.

Gjobat dhe përdorimi

Gjobat rrugore dhe të parkimit gjatë qirasë i paguan klienti.

Ndalohet: drejtimi nën ndikimin e alkoolit ose drogës, garat, rimorkimi, transporti me pagesë i pasagjerëve ose mallrave, nën-qiradhënia, rrugët jo të shtruara (përveç makinave 4x4 me miratim).

Ligji i zbatueshëm

Për këto kushte zbatohet ligji shqiptar. Mosmarrëveshjet zgjidhen me mirëkuptim; përndryshe nga gjykatat kompetente në Shqipëri.